Xizmatni ko`rsatish uchun kerak bo`ladigan hujjatlar

Yagona portaldagi ariza shaklini to`ldirish, qurilish obyekti nomi, qurilish rejalashtirilayotgan (hudud, shahar, tuman, mahalla, ko`cha), yer uchastkasi o`rni (manzili) ni ko`rsatish, shuningdek quyidagi hujjatlarning (skaner yoki rasm) shaklini yuklash:

1) loyiha hujjatlari bo`yicha ekspertiza organlarining ijobiy yig`ma ekspert xulosasi;

2) Qoraqalpog`iston Respublikasi "Davarxitektqurilish" qo'mitasi, viloyatlar va Toshkent shahar arxitektura va qurilish bosh boshqarmasi huzuridagi arxitektura-shaharsozlik kengashi protokolining nusxasi;

3) arxitektura va qurilish organlari bilan kelishilgan obyekt rejasi va fasadining eskizi yoki uzun obyektlar uchun - trassaning bosh rejasi (sxemasi);

4) xavfli ishlab chiqarish obyektlari bo`yicha - loyiha hujjatlarining sanoat xavfsizligi bo`yicha ekspertizasining ijobiy xulosasi;

5) qurilish-montaj ishlarining alohida litsenziyalanadigan turlarini amalga oshirishda - pudrat tashkiloti litsenziyasining nusxasi;

6) O'zbekiston Respublikasi Vazirlar Mahkamasining qaroriga muvofiq qurilayotgan obyektlar uchun - loyihaning tasdiqlanayotgan bosqichi yuzasidan ekspertiza organlarining ijobiy yig’ma ekspert xulosasi;

7) obyektni loyihalash bilan bir vaqtning o`zida qurishda - O'zbekiston Respublikasi Prezidenti Devoni bilan kelishgan holda qabul qilingan O'zbekiston Respublikasi Vazirlar Mahkamasining qarori;

8) qurilishni tanlov savdolari o'tkazmasdan, moliyalashtirishning markazlashtirilgan manbalari hisobiga amalga oshirishda - O'zbekiston Respublikasi Vazirlar Mahkamasining obyektlarni qurish yoki mukammal ta'mirlash masalasi bo`yicha qarori nusxasi.

9) O'zbekiston Respublikasining Davlat byudjeti va davlat byudjetdan tashqari jamg’armalari mablag’lari hisobiga moliyalashtiriladigan mukammal qurish va (yoki) mukammal ta'mirlash obyektlarining manzilli ro`yxati;

10) tanlov savdolari natijalari to`g`risidagi protokol (mavjud bo'lsa)

Xizmatni ko`rsatishning huquqiy asosi

• O’zbekiston Respublikasi fuqarolik kodeksi;
• O’zbekiston Respublikasi yer kodeksi;
• O’zbekiston Respublikasi shaharsozlik kodeksi;
• O'zbekiston Respublikasi Prezidentining «Ishbilarmonlik muhitini tubdan yaxshilash va tadbirkorlikka yanada keng erkinlik berish chora-tadbirlari to'g'risida» 2012 yil 18 iyuldagi PF–4455-son Farmoni;
• O'zbekiston Respublikasi Prezidentining «O'zbekiston Respublikasida investitsiya iqlimi va ishbilarmonlik muhitini yanada takomillashtirishga doir qo'shimcha chora-tadbirlar to'g'risida» 2014 yil 7 apreldagi PF-4609-sonli Farmoni;
• O'zbekiston Respublikasi Prezidentining «Tadbirkorlik faoliyatini amalga oshirish va davlat xizmatlarini ko'rsatish bilan bog’liq tartibotlarni yanada takomillashtirish chora-tadbirlari to'g’risida» 15.04.2014 yildagi PQ-2164-son Qarori;
• O'zbekiston Respublikasi Vazirlar mahkamasining «Shaharsozlik faoliyatini amalga oshirish hamda qishloq xo'jaligiga oid bo'lmagan ehtiyojlar uchun yer uchastkalari berish, shuningdek obyektlarni qurishga ruxsatnomalar berish tartibini tubdan soddalashtirish chora-tadbirlari to'g'risida» 2013 yil 25 fevraldagi 54-son Qarori;
• O'zbekiston Respublikasi Vazirlar mahkamasining «Qurilish sohasida ruxsat beruvchi tusdagi hujjatlarni berish tartibotlarini amalga oshirish muddatlari va qiymatini belgilashda tabaqalashtirilgan yondashuv tartibi to'g'risidagi Nizomni tasdiqlash haqida» 2013 yil 30 maydagi 150-son Qarori;
• O'zbekiston Respublikasi Vazirlar mahkamasining «Yer uchastkalarini tanlash bo'yicha materiallarni vakolatli tashkilotlar bilan kelishish, shuningdek qurilish sohasida ruxsatnomalar berish tartibotlarini amalga oshirishda axborot-kommunikatsiya texnologiyalarini joriy etish chora-tadbirlari to'g'risida" 2013 yil 4 iyundagi 154-son Qarori.